你係咩體質- 寒底定熱底？
好多人睇中醫會問，“醫師，我係寒底定熱底？”，實際上，中醫師會根據2009年中華中醫藥學會發布嘅《中醫體質分類判定標準》，大致上將體質分為平和質、氣虛質、陽虛質、陰虛質、痰濕質、血瘀質、氣鬱質同特稟質九個類型。
當然，大部分人嘅體質都唔係咁單一，往往係混合型體質，例如手腳冰冷，具陽虛特徵嘅人，同時容易感覺疲倦乏力、精神不振，兼有氣虛嘅表現。
九型體質各有咩特徵？
平和質：
身型勻稱，少病少痛，性格開朗，對外界環境適應良好。
氣虛質：
肌肉鬆軟，成日疲倦乏力，說話聲細，懶言少語，易出汗。易患感冒或內臟下垂等，不易適應風寒、暑濕環境。
陽虛質：面色蒼白，手腳冰冷，成日唔想郁，喜歡溫熱飲食。易有痰多、浮腫、腹瀉等問題。係夏天溫熱日子過得好好，冬天容易感受風、寒、濕邪。
陰虛質：
形體偏瘦，怕熱、易口乾，易生“飛滋”，喜冷飲，部分人食極都唔肥。性格外向，容易急躁。易有失眠、虛勞、乾燥綜合徵等毛病。
痰濕質：
身材肥胖，腹部鬆軟，面油多，出汗多且黏，痰多。喜食肥膩、甜點。性格偏溫和。易患三高或心血管問題。不易適應潮濕環境。
濕熱質：
面多油垢，時口臭、口苦，頭身困重，排便不暢或便秘。容易心煩、急躁。易有粉刺、痤瘡、酒渣鼻等問題。不適應潮濕同高溫環境。
血瘀質:
面色晦暗，易有色斑，唇色偏暗，頭髮或皮膚易乾燥。健忘、容易心煩，易患痛症。對寒冷環境較不適應。
氣鬱質:
身形偏瘦居多，容易悶悶不樂、心情抑鬱、心慌、失眠。性格內向、敏感，易有情緒問題，女性易患乳腺增生。不適應陰雨天氣。
特稟質:
多有過敏性疾病，例如鼻敏感、濕疹、尋麻疹、哮喘、氣管敏感、花粉症、藥物食物過敏等，或有遺傳病或發育問題。對外界環境變化適應差。
『中醫點樣幫到你？』
中醫提倡治未病，即係未病先防，既病防變同病後防變。中醫師透過望聞問切，分析、了解你嘅體質，為你提供一個最適當嘅治療、調理、養生方案。通過中藥、針灸、拔罐、耳穴，調理臟腑功能，令氣血調暢、陰陽平衡，從而減低患病風險，達到預防疾病嘅目的。
